خەڵاتی جەمال نەبەز
کۆمیسیۆنی خەڵاتی جەمال نەبەز
سەر بە دەزگەی جەمال نەبەز، بەرڵین – ئەڵمانیا
دەربارەی بڕیاری کۆمیسیۆن لە پەیوەندی لەگەڵ خەڵاتی ٢٠٢٣ کە یەکەم خەڵاتە
کۆمیسیۆن لە ڕێگەی ڕاوێژ لە ناو خۆیاندا بە کۆدەنگی تەواو بڕیاریان دا کە خەڵاتی ساڵی ٢٠٢٣ پێشکەش بکرێ بە خاتوو زارا محەمەدی کە لە شاری سنە دەژی. ئێمە بە شێوەیەکی سەربەخۆ ئەو بڕیارمان داوە. دواتر ئەم بڕیارە هەروەها لە لایەن دەستی کارگێری دەزگەکەوە پەسند کراوە.لە ئێستادا کۆمیسیۆنی خەڵاتەکە ئەم ڕاگەیەندراوە بەم جۆرە بڵاو دەکاتەوە
کۆمیسیۆنی خەڵاتی جەمال نەبەز، سەر بە دەزگەی جەمال نەبەز لە بەرلین، بڕیاری داوە کە یەکەمین خەڵاتی خۆی پێشکەش بە خاتوو زارا محەمەدی بکات وەک ڕێزگرتن لە هەوڵ و تێکۆشانی بێوچان و خۆبەخشانەی لە پێناو فێرکاریی زمانی کوردی، داکۆکیکردن لە مافی بنەڕەتیی زمانی دایکی، و بەرەنگاربوونەوەی لە دژی نکۆڵیکردنی ناسنامەی کوردی. زارا لەم ڕێبازەدا لە بارودۆخی دژواری کوردستاندا، کە زمان و ناسنامەکەی ڕێبەند کراون، بە ساڵانێک بەردەوام بووە. ئەو هەر بە هەوڵی تاکەکەسیی خۆی نەوەستاوە و بە هاوڕێیی ڕێکخراوەی ناحکومی نۆژین و بەهەرەوەزی پەرەی بە خەباتەکەی داوە
زارا، سەرەڕای زەبروزەنگی زۆر و حوکمی ناڕەوا و زیندانیکردنی، بەئاشکرا و لە پانتایی گشتیی کۆمەڵگادا ئازایانە دەنگی لە دژی نادادپەروەریی زمانی و ناسنامەیی هەڵبڕیوە. بەم چەشنەش، ڕۆڵێکی گرینگی لە هۆشیارکردنەوەی ناوخۆ و دەرەوەی کوردستان لەمەڕ ئەو نادادپەروەرییە هەبووە. ئەم خەباتەشی کاریگەریی مەزنی هەبووە؛ بە جۆرێک کە بووەتە هێما و ئیلهامبەخشی زۆرێک لە گەنجان و ژنان. ئێمە، وەک کۆمیسیۆنی خەڵاتی جەمال نەبەز، بە خۆشحاڵی و شانازییەوە خەڵاتەکە پێشکەشی زارای نیشتمان دەکەین.
لە ڕێگەی ئەم ماڵپەڕەوە، لە وردەکارییەکانی پەیوەندیدار بە چۆنێتیی پێشکەشکردنی ئەم خەڵاتە ئاگادارتان دەکەینەوە
پرۆفیسۆر
بەشی ئارکیۆلۆژی، مێژوو، خوێندنەوە کولتوورییەکان و ئایین
زانکۆی بێرگێن
نەرویج
بەرلین، ئەڵمانیا
فایلەکە بە فۆڕمەتی پی دی ئێف بۆ داگرتن لە بەردەستدایە
 | کوردی_jn_award_2023.pdf (126.74KB) |
| کوردی_jn_award_2023.pdf (126.74KB) |
براوەکان بە شێوازی خۆیان نایاب دەبن
لەم بەشەی خوارەوەدا بەشێک لە کەسایەتی ناوازەی ئێڤەر باس دەکرێت کە توانیویانە کارە دوای مردنەکەی دروست بکەن.
جەمال نەبەز بیرمەندێکی گەلێک وردبین و لە چەند بواردا شارەزا بوو. نەبەز ڕێبازێکی لە هەموو ڕەهەند و بوارەکانی ژیانی پەیڕەو کرد کە بە گوێرەی بنەما ئەخلاقی و زانستییەکان دایڕشتبوو. یەکەم حەز و ئەڤینی ئەو زانستە سروشتییەکان بوون. لە زانستگە، ئەو وانەگووتنەوەی فیزیا و ماتماتیکی بۆ خوێندکارانی دواناوەندی وەک لقی خوێندن هەڵبژارد. هەر لە یەکەم ساڵەکانی ژیانیدا، بەهرەکانی لە گەلێک بواردا ئاشکرا ببوون. هەر بەم پێیە، باوکی ئەرکی ئەوەی بە چەند لە هاوڕێکانی سپارد کە ببنە مامۆستای نەبەز و کاتێک هێشتا منداڵ بوو فێری چەند زمان بوو، و لە تەمەنی مێرمنداڵیدا دەستی کرد بە نووسینی دەق.
هەرچی تەمەنی زۆرتر دەبوو، زۆرتر تواناییە سەرسووڕهێنەرەکانی لە گەلێک بواری جیاوازدا دەسەلماند. نەبەز توانی پەیوەندییە زمانەوانییەکان دیاری بکات، زانستی مێژوو دەوڵەمەند بکات، و بە درێژایی هەموو تەمەنی و بێ ڕاوەستان و لادانێک، پەرژایە سەر توێژینەوە لە ڕیشە و هۆکارەکانی خەسارەکانی گەلەکەی و لەسەر بەشێک لەم هۆکارانە دوا و نووسی. وەک کەسایەتییەکی زانستکار و زانست-بنەما، ئەو وەکوو سامانێکی کۆمەڵایەتیی باوەڕپێکراو دەبینرا و قەزاوەتەکانی لە گۆڕەپانی کۆمەڵایەتی و سیاسیدا جێگەی متمانە بوون. هەموو ئەمانە بەیەکەوە، و بەتایبەتی ئەمەی کە جەمال نەبەز کورد بوو و وشیارانە لە هەموو هەلومەرجەکانی ژیانیدا خۆی بەم شێوەیە دەناساند، نەبەزی کرد بە بیرمەندێکی دیار و کەسایەتییەکی بێوێنە.
براوەکان بە شێوازی خۆیان نایاب دەبن
بەخشینی خەڵاتی زانستی جەمال نەبەز بە تاکەکەس و گروپەکان و پڕۆژەکان
ڕاسپاردنی گەڕان بە د وای کاندیدای گونجاو بۆ خەڵاتەکە
بە پێی بڕیاری بۆردی ڕوێژکار، لە مانگی فێبروێری ٢٠٢٢دا، داوایەک لە دامودەزگای حکوومییە پەیوەندیدارەکان پێشکەش کرا و تێیدا داوامان کرد وەڵاممان بدەنەوە کە ئاخۆ هیچ بەرهەڵستی و لارییەکان لەگەڵ پرۆسەی گەڵاڵەکراوی ڕێوڕەسمەکە سەبارەت بە دیاریکردنی پاڵێوراو و بەربژێرە شیاوەکان بۆ خەڵاتە زانستییەکەمان هەیە. ئاگادار کراینەوە کە بەپێی یاسای ڕێکخراوەکان هیچ لاری و دژایەتییەکیان نییە
لە مانگی مارسی ئەمساڵدا، ئێمە سیروان ڕێناس (خەڵکی ڕۆژهەڵاتی کوردستانە و ئێستا لە ئەمریکا دەژی) ڕاسپارد کە کۆمیسیۆنێکی چەند کەسی دیاری بکا لە کەسانێک کە خۆی بە شیاویان دەزانێ وەک تیمی دیاریکردنی خەڵات و سەرکەوتووانە ئەرکەکە جێ بە جێ کرا و بەدواداچوونی باقی ئەرکەکان بەردەوامە
دوایین زانیارییەکان سەبارەت بە خەڵاتی جەماڵ نەبەز لەم پی دی ئێفەی خوارەوە لەبەردەستدایە
| biographies کوردی بیۆگرافی ئەندامان.pdf (308.48KB) |
| biographies کوردی بیۆگرافی ئەندامان.pdf (308.48KB) |
