پرۆژە بەردەستەکان


:دەزگاکە سەرقاڵی دوو کاری ھەنووکەییە

١-  سازدانی کەتەلۆگێکی ـ ئۆنلاینی بۆ لێکۆڵینەوەی کتێبخانەی جەمال نەبەز لە کتێبەکانی، نووسین و بەشدارییە دەنگی و وێنەییەکانی کە دەبنە کاری سەرەکی ئەم دەزگایە. کتێبخانەی جەمال نەبەز وەک کتێبخانەیەک بۆ کەڵک وەرگرتن لە شوێنی خۆی لە کاتی دیاریکراودا بۆ ئەو کەسانەی ئارەزووی سەردانی دەکەن، کراوە دەبێت لە ناوەندی سەرەکی دەزگاکە لە بەرلین


٢-  سازدانی پێڕستێکی چڕوپڕی کار و بەرھەمەکانی ناوبراو هەروەها لە ئەرکە سەرەکییەکانی دەزگاکەیە. وەک دیاری بۆ هەشتاهەمین ساڵوەگەڕی لە دایک بوونی جەمال  لیستێکی پیرست ئاسای سەرەتایی لە بەرهەماکانی ناوبراو ئامادەکراو پێی پێشکەش کرا. ئەم کارە هێشتا ئەوڕۆیش لەسەر ماڵپەڕە پێشووەکەی  لە بەر دەست دایە
www.jemalnebez.org
دیارە پێڕستە سەرەتاییەکە کامڵ نییەو ئەوە نابێت وا بمێنێتەوەو پلانی پێداچوونەوەو گۆڕانکاری و تەواوکردنی لە ئارادایە

.بەرپرس: د . ھانەلۆرە کوێشلەر، سەرۆکی دەزگای جەمال نەبەز

دیاریکردنی بەشەکانی کار لە رێگەی گرێبەستی کارکردندا و بە یارمەتی ماڵی خێرخوازانە بە ئەنجام ئەگات. دیاریکردنی
 گرێبەستی کاری لەم بوارەدا لە رێگەی خوازیارانی کاری خۆبەخشانەی دەزگاکەو رێنمایی پێویست بۆ کارەکەیان بە ئەنجام ئەگات

 

:هەر بەم بۆنەوە دەزگاکە پێشوازی لەم دوو پڕۆژە لە بەردەستەی خوارەوە لە لایەن دۆستانەوە دەکات

١. بڵاوکردنەوەی چاپی دووهەمی چیرۆکی " لالۆ کەریم"ی جەمال نەبەز(١٩٥٦) بە پیتی لاتینی کە لە لایەن بەسام مستەفاوە ئامادە کراوە. ناوبراو هاوکات بۆ نووسینی پێشەکییەکی ئەم چاپەی داهاتووش هاوڕێیەتی دەکات

 

٢. بڵاوکردنەوەی زنجیرە وتاری جەمال نەبەز ١٩٥٦ لەسەر „نووسینی کوردی بە پیتی لاتینی لە نێوان دژەبەران و لایەنگرانیدا“ کە بە عەرەبی نووسراوون. جەمال تا ئەو کاتەی زیندوو بوو بە داخ بوو بۆ ئەوەی کە ئەو زنجیرە وتارە کۆنەکراوەتەوە بەتەواوی. بەڵام جەماڵ خەزنەدار هاوڕێی لە دایک بووی سلێمانی باشووری کوردستان و دانیشتووی هانوفەر بۆیەکەم جار ھەموو بەشەکانی کۆکردووەتەوە و ئێستا ئامادەی چاپە

 

هەر کەس هۆگری هەر بەرهەم یان نووسراوەیەکی جەمال نەبەزە، پێویستە بیر لەوە بکاتەوە کە چ خزمەتێک ئەتوانێت لە بوارەدا بکات بۆ ئەوەی بەرهەمەکە بپارێزێت و زیاتر لە نێو کوردان یان لە رێگەر وەرگێران بۆ زمانەکانی دیکە بڵاویان بکاتەوە 
.دەزگای جەماڵ نەبەز لە هەر حاڵدا ئەو جێگەیە کە داهێنانە نوێیەکان دەناسێنێت و بە پێی ئیمکان پشتیوانیان دەکات