سیمینارە ئەکتۆێلەکان
دەزگەی جەمال نەبەز زۆر خۆشحاڵە بە ئامادەیی دەربڕینی د. عرفان مستەفا بۆ پێشکەشکردنی زنجیرە سیمینارێک بۆ ڕێزگرتن لە جەمال نەبەز لە مانگی ئابی ٢٠٢٢ - شوباتی ٢٠٢٣

تێڕامانی د. جەمال نەبەزلەسەر ئاڵۆزیی مانای كوردبوون
ئەم ناونیشانەی سەرەوە، ناونیشانی زنجیرە سیمینارێكە كە دەزگای جەمال نەبەز بۆ (د.عرفان مستەفا)ی ساز دەكات. بابەتی سیمینارەكان  لێكدانەوە و شیكردنەوەی فەلسەفی و ئۆنتۆلۆژیکی روانگەی جەمال نەبەز بۆ كوردبوون و ناسنامەیە.  ئەم زنجیرەیە لە  حەوت سیمینار پێكهاتووە و ئەم تەوەرانە لە خۆدەگرێت:

سیمیناری یەكەم: پرسی كوردبوون
سیمیناری دووەم:  زمان و كوردبوون
سیمیناری سێهەم: رەچەڵەک و كوردبوون
سیمناری چوارەم: كولتورو كوردبوون
سیمیناری پێنجەم: ئایین و كوردبوون
سیمیناری شەشەم: نیشتمان و كوردبوون
سیمناری حەوتەم: هەستی وەک یەكی، وەک بنەمای كوردبوون

سێ نووسینی چاپکراوی جەمال نەبەز لەسەر ئەم بابەتە  بڵاوکراوەتەوە، دوو نووسین بە زمانی  کوردی، یەکێکیان بە زمانی ئەڵمانی.
هەر سێ نووسینەکە دەتوانرێت بە شێوەی پی دی ئێف کە لێرە و ماڵپەڕی جەمال نەبەز داندراوە، دابەزێنرێت:
https://jemalnebez.org/digital




سیمیناری سیهەم: ڕەچەڵەک و کورد بوون

رۆژی یەکشەممە ٢٠ نۆڤەمبەری ٢٠٢٢ سێهەمین جەلەسەی پرۆژە سێمیناری دەزگەی جەمال نەبەز لەسەر پرسی کورد بوون لە روانگە نەبەزەوە بۆ دوکتورعرفان مستەفا بەشێوەیەکی ئۆنلاین بەڕێوە چوو. بابەتی ئەم جارە بریتی بوو لە شرۆڤە کردن و ئاوڕ دانەوە لە پرسی ڕەچەڵەک و کورد بوون. لێرەدا ویدیۆی مونتاژکراوی سێمینارەکە دەخرێتە بەرچاوی ئێوەی بەڕێز.






سیمیناری دووهەم: زمان و کورد بوون

رۆژی یەکشەممە ٢٦ ئۆکتۆبری ٢٠٢٢ دووهەمین پرۆژە وێبیناری دەزگەی جەمال نەبەز لەسەر پرسی کورد بوون لە روانگە نەبەزەوە بۆ دوکتور عرفان مستەفا بەڕێوە چوو. بابەتی ئەم ڤارە بریتی بوو لە شرۆڤە کردن و ئاوڕ دانەوە لە پرسی زمان و کورد بوون.  لێرەدا ویدیۆی مونتاژکراوی لە دوو بەشدا دەخرێتە بەرچاوی ئێوەی بەڕێز

بەشی یەکەم



بەشی دووهەم

رۆژی ١٤ی ئۆگۆست یەكەم سیمینار بە شێوازی ئۆنلاین بەڕێوە چوو. ئەم ڤیدیۆیەی خوارەوە سیمیناری یەکەمە کە تۆمارکراوە. وا بڕیارە  کە مانگی یەک سیمینار پێشكەش بكرێت.
شایەنی باسە کە بەبێ پشتگیریی کارگێڕانی پەیجی زانین و پشتگیریی داهێنەرانە و تەکنیکی بەنرخیان لە کۆکردنەوە و مامەڵەکردن لەگەڵ یەکەم سیمیناردا، ئێمە نەماندەتوانی لێرە فایلەکانی  پێشکەش بکەین بۆ بینین/دابەزاندن. بەم بۆنەوە سوپاسگوزاری لە هاوکاری و پشتگیری بە نرخیان دەکەین