Xelata Zanistî ya Jemal Nebez

Jemal Nebez ramyarekî pir kûr bû û di gelek biwaran de pispor bû. Wî prensîbên bingehîn ên zanistî li gişt warên jiyanê bi cîh kir. Di rewşenbîrî û hizrên wî de evîna yekem ji bo zanistên xwezayî bû. Di xwendina xwe zanîngehê de Cemal Nebez pîşeya mamosteyê waneyên fîzîk û matematîkê ji bo dibistanên navîn hilbijart.

Her di salên destpêka jiyanê de, jêhatîbûn û behreyên wî di gelek qadan de xuya bûn. Her ji ber vê bavê wî ji çend hevalên xwe xwest bibin mamosteyên Nebez. Di zarokatiyê de ew hînî çend zimanan bû. Bi ciwantî dest bi nivîsandinê kir.
Ji ber van xebatan, bi taybetî jî ji ber îsrara wî li ser kurdbûnê di hemû şertûmercan de, Nebez bû bîrmendekî diyar û kesatiyek bê mînak.

Ligel zêdebûna temenê, zêdetir zîrekî û twanayên wî derdiketin. Nebez karî têkiliyên zimanî diyar bike û zanista dîrokê dewlemend bike. Di tevahiya jiyana xwe de lêkolîn li ser bingeh û sedemên pirsgirêk û dijwariyên gelê xwe kir û nivîsand.

Parvekirina Xelata Zanistî ya  Jemal Nebez li ser Takekesan, Grûpeyan yan bo Projêktan 

Qadên ku ji bo bexşandina xelata zanistî ya Cemal Nebez li ber çavan tên derbaskirin gelek curbicur in. Mînak; Politîk, Qanûn, Dîrok, Zimannasî, Huner, Wêje, Muzîk, Matematîk, Bijîşkî û zanistên xwezayî.
Xelat pêşkêşî hemû kes, kom û pirojeyên ku layeqê vê şanaziyê tên dîtin, tê kirin.

Xelat her du sal carekê tê dayîn

Di Sibata 2022 de me serlêdana saziyên Hikûmetê yên têkildar kir. Me daxwaza nirxandina wan li ser pilana me ya ji bo vê merasîmê û berbijêran kir. Bersiva me dan û gotin ku li gor qanûna rêxistinan tu pirsgirêk û nerazîbûnek wan tune ye.

Dema me biryar da ku xelata yekem pêşkêşî kê bê kirin û ev xelat çawa bê pêşkêşkirin, emê li ser vê malperê parve bikin. Li ser pêvajoyê û diyarkirina berbijêran jî emê agahî bidin.

Eger pêşniyazên we ji bo xelata zanistî ya Cemal Nebez hene, ji kerema xwe E-mailê ji vê navnîşanê info@jemal-nebez-foundation.org an forma têkiliyê re bişînin.